= بص يا أستاذ، الأعراض إللي أنت بتقول عليها دي أعراض لمرض خطير بس دة مش هيبان في الكشف لازم تحليل دم عشان نعرف عندك ايه بالظبط، انا هاخد منك عينة دم دلوقت وابعتها لمعمل التحاليل اللي تبعي وهطمنك إن شاء الله بالتليفون… السلام عليكم.
فضلت أزودله الجرعة وحالته بقت تسوء اكتر عشان اضمن لما الدكتور يكلمه مايبقاش عنده إي بديل تاني، وفي نفس الوقت مايبقاش مركز في الكلام الملخبط والغير العلمي إللي الدكتور بيقوله.
وأول ماحسيت أن حالته النفسية اتدمرت على الأخر رنيت على الدكتور عشان يتصل بيه ويكمل الخطة
= السلام عليكم يا استاذ، انا الدكتور عماد
– وعليكم السلام يا دكتور، طمني والنبي التحليل طلع فيه ايه
= للاسف كان نفسي اطمنك بس الوضع صعب اوي
المرض اللي عندك ملهوش علاج …
– يعني ايه يا دكتور هفضل طول عمري كدة، انا مابقتش اتحكم في اي حاجة في جسمي لازم يكون في حل ماقدرش اعيش كدة
= هو في امل واحد بس
– هو ايه يا دكتور قولي ارجوك
= الأمل الوحيد ان يكون عندك أبن ويكون ولد من صلبك هناخد منه اقل من سم من النخاع الشوكي ونزرعه عندك وساعتها هترجع لحالتك الطبيعية تاني ولا أكن كان عندك اي حاجة
– أيوة أنا عندي أبن يا دكتور، أنا ابني عايش وموجود قولي الله يخليك اقدر اعمل العملية امتى وازاي ارجوك بسرعة
لمتابعة القراءة اضغط على الرقم5 في السطر التالي 👇
