الوقوع في الغرام -قصة رومانسية
ايوا يعنى انتوا خاطفنى هتعملوا بيا اى افهم بس ؟!
كنت قاعدة فى عربية كبيرة لونها اسود بصلى واحد منهم وقال بزعيق :
_ انتى مبتعرفيش تسكتى من ساعة ما ركبناكى العربية وانتى نازلة رغى رغى ، قولتلك هتعرفى كل حاجة أما تقابلى الكبير بتاعنا .
قولت وانا باكل الساندوتش اللى كان معايا :
_ انا معرفش ي خويا انت معصب نفسك لى وانت شبه حسين فهمى كدا ، ما تخليك زى صاحبك اللى سايق العربية ده شوفت هادى وجميل ازاى .
صاحبه بصلى بأبتسامة لطيفة وقال :
_ تسلميلى ي قمراية انا فعلاً أسمى هادى
ضحكت ليه وقولت :
_ اسم على مسمى سبحان الله
مديت ايدى ليه بالاكل وقولتله :
_ تاكل
اتكلم وهو بيسوق :
_ شكراً ي قمر لسة واكل
كان بيبصلنا التانى وعنيه بتطلع شرار اتكلم وهو بيحاول يكتم غيظه وقال :
_ هادى احنا خاطفينها ي حبيبى مش رايحين نفسحها اتلم شوية
اتكلم هادى وهو بيبتسم :
_ والله دى شكلها لطيف ي لؤى
اول ما سمعت الاسم ضحكت وقولت :
_ كمان اسمك لؤى والله ما باين عليك
بصلى وقال :
_ وحيات ربنا انا لولا الكبير عاوزك حية لكنت قتلتك وارتحت منك
بصيت بطفولية وقولت :
_ شوفت ي هادى صاحبك عاوز يقتلنى يرضيك
اتكلم وهو بيبصلى :
_ ملكيش دعوة بيه هو كدا غلس اتكلمى معايا أنا بس .
ضحكت وطلعت للؤى لسانى راح مطلع المسدس ووجهو لدماغى :
_ وحيات ربنا شكل موتك على أيدى
بلعت ريقى واتكلمت بخوف :
_ فى اى بس ي عم لؤى أهدى كدا اللى انت عاوزه هيحصل ي باشا
قال ببرود :
_ مسمعش صوتك لحد ما نوصل فاهمة
_ عيونى ليك يابا والله ولا هنطق بولا كلمة
نزل المسدس من عليا وحطه فى جيبه وانا ساكتة وبدعى ربنا انو يعدى الموضوع ده على خير
_يارب كان لازم أخرج فى الوقت ده اشترى شوكولاته ، يارتنى كنت سمعت كلامك ي ماما
دى اخرة فعلاً اللى مبيسمعش كلام أمه ، بيغرق وادينى وقعت فى واحد
تركى والتانى هندى باين وشعره سايح كدا ، يا ترى الكبير عامل ازاى
هااار اسود ليبيعوا اعضائى ويموتونى ، انا عارفة أن حظى
هى اخرتها هموت ، كنت بكلم نفسى وبقول الكلام ده
لؤى بصلى وهو بيبرقلى ، أما هادى فكان بيضحك بصيت للؤى وحطيت ايدى على بوقى
_ اهو اتكتمت خلاص
الجو كان هادى وانا الصراحة كنت تعبانة اوى ، والوقت كان ١٢ بالليل ،
لقتنى نمت من التعب بعد شوية سمعت صوت حد و ….
للمتابعة اضغط على الصفحة التالية »
صفحا
وهو بيصحينى بهدوء ، فتحت عيونى لقيته هادى :
_ قومى يلا ي هند وصلنا
قولت بنوم :
_ سبنى شوية بس صغيرة
اتكلم وهو بيضحك :
_ لؤى هيجى يقتلنى ويقتلك قومى بقاا
فتحت عيونى علطول وقولت وانا بدور عليه :
_ إلا هو فين صحيح
قال بهدوء :
_ دخل جوا القصر يلا بقاا
طلعت معاه لقيت نفسى فى جنينة كبيرة ده اى ده انا فى الجنة ولا اى ، اى الحلاوة دى كلها
قولت وانا ماشية مع هادى:
_ بقولك اى ما تخطفونى عندكم علطول
هادى ضحك عليا وقال :
_ لا ما انتى شكلك مطولة معانا
قولت وانا فرحانة :
_ الله انا بحب الحاجات دى اوى
هادى قال :
للمتابعة اضغط على الصفحة التالية »
_ طب أهدى عاشان الكبير عصبى اوى
_ هو صحيح مين الكبير اللى عاوزنى ده ، انتوا هتموتونى ولا اى
ابتسم وقال بلطف :
_ احنا مش بنموت حد على فكرة اطمنى
كنت محتارة انا فين ومين الكبير اللى عاوزنى ده ، وانا هنا بعمل اى ، واى الحياة اللى انا فيها دى كلها .
_ يعنى اى تليفونها مقفول ما تعمل حاجة ي محمد البت راحت فين
والله أما اشوفك ي هند لاموتك لان انا قولتلك متنزليش فى الوقت ده ، وانتى طول عمرك قاطعة قلبى ومبتسمعيش الكلام .
_ متقلقيش ي ماما انا هنزل ادور عليها ، ولو كدا هبلغ القسم هنلاقيها أن شاء الله .
اتكلمت الام بحزن :
_ يارب روحتى فين بس ي بنتى
للمتابعة اضغط على الصفحة التالية »
قدام باب القصر ، كان مليان حرس كتير وفى كل مكان وكل واحد ماسك سلاح قولت بخوف :
_ يلهوى اى ده بنى ادمين دول ولا ديناصورات
هادى اتكلم وهو بيمسك ايدى :
_ متخافيش تعالى ، وفجأة باب القصر انفتح لوحده قدامى
_ ي حلاوة يولاد الباب اتفتح لوحده
دخلت جوة انبهرت بالجمال اللى انا ماشية فيه اى ده بجد السلم كأنه معمول من دهب ، ده انا اكيد بحلم والله .
شوفت لؤى واقف جنب واحد واقف بضهره قولت :
_ وحشتنى والله ي لؤى انت كنت فين ي راجل
كان ساكت ومش بيضحك
قولت لهادى بهمس :
للمتابعة اضغط على الصفحة التالية »
ص
_ ده صاحبك ده كئيب اقسم بالله
هادى اتكلم بنفس الهمس :
_ بس عاشان الكبير بيسمع دبة النملة
فجأة دور وشه ليا وقال :
_ ازيك ي هند عاملة اى
بصيت بصدمة كبيرة !!!!!!
و……
بصيت بصدمة كبيرة وقولت :
_ هو انت !!!
ابتسم بخبث وقال :
_ كنتى مفكرة انك هتخلصى منى كدا بسهولة ، انتى عجبتينى وانا مفيش حاجة بتعجبنى مش باخدها .
للمتابعة اضغط على الصفحة التالية »
اتكلمت بثبات :
_ وطلبك مرفوض ي استاذ يوسف ، انا قولتلك إن رافضة إن
اتجوز ما هو معلش الجواز مش بالعافية
انت جيت واتقدمتلى وانا رفضت يبقا خلاص
تقوم تخطفنى وكل ده انا مبحبش الشغل ده ، لو سمحت روحنى .
قرب منى ووقف قدامى واتكلم :
_ حتى بعد كل اللى عرفتيه وشوفتيه ده ، انا كنت متقدملك على انى انسان بسيط زيك ، وانا مش كدا .
قولت وانا بربع ايدى :
_ وانا عمرى ما همنى الفلوس ولا حتى يهمنى انت عندك اى أساسا ولو سمحت انا لسة مصرة على رأيى وروحنى .
مسك دراعى بقوة وقال بعصبية وزعيق :
_ لييه ، هااا ليه رفضانى ، اظن ان اى بنت تتمنا أنها تتجوز واحد زيى شكل
للمتابعة اضغط على الصفحة التالية »
صف
وعندى فلوس وعندى الحمد لله ليه رفضانى من قبل ما تعرفينى قولتلك انتى عجبتينى ،وانا مش هضيعك من ايدى ابدا فاهمة .
_ مش يمكن أما تعرفنى بجد متحبنيش ميغركش المظاهر
ي استاذ يوسف ، اهم حاجة اللى جوا مش اللى برا ، يمكن انا من برااا جميلة
وحلوة وانت منبهر بجمالى ، بس جايز تزهق منى بعدين ، جايز أما تعرفنى كويس وتعرف شخصيتى متحبهاش ، يمكن صحيح اى بنت تتمنا واحد زيك
بس سامحنى البنت دى مش أنا ، صدقنى فى بنات احسن منى الف مرة ، روحنى واكيد نصيبك مع حد احسن .
بصلى وسكت وسااب دراعى وقال بزعيق :
_ هاااااادى
هادى جه عنده وقال بثقة :
_ نعم ي يوسف
_ ودى هند اوضتها تستريح شوية وخلى فيه واحدة قدام باب اوضتها تحرسها ، وخلى بالك كويس ي هادى فاهم ومفيش راجل واحد يهوب ناحيتها .
هادى سمع الكلام وانا كنت ساكتة وبصاله وقولت :
للمتابعة اضغط على الصفحة التالية »
على فكرة فى حكومة وقانون فى البلد ، بلاش تودى نفسك فى داهية عاشان واحدة زيى .
ضحك على كلامى ولؤى كمان ضحك وقال :
_ يخربيت هبلك
بصيت للؤى بغيظ ، وهادى خدنى وانا طلعت معاه وبفكر اهرب ازاى من اللى انا فيه ، بصيت حوليا ، لقيت القصر كله بيبان مقفولة طلعت على السلم اللى كأنه
مصنوع من الدهب ده ، هادى قال وانا طالعة معاه :
_ مش قولتلك إن شكلك مطول معانا
اتكلمت وانا طالعة وخايفة اقع :
_ طب اسكت لحسن انا معرفش اى عالم الاحلام اللى انا دخلته ده ، هى امى واخويا هيعرفوا يوصلولى يا ترى عاملين اى دلوقتى ؟
_ بس مينفعش نعمل بلاغ الا بعد ٤٨ ساعة من اختفائها
_ يعنى اى ي بنى لسة هنستنا يوم كمان ، انا متأكدة إن بنتى اتخطفت اعملوا اى حاجة
للمتابعة اضغط على الصفحة التالية »
اتكلم الظابط بحزن على حالة الام :
_ ي امى دى القوانين ، وان شاء الله هترجع بالسلامة هى ليها اى أعداء
_ أبدا ي بنى والله ، ده انا بنتى هبلة وغلبانة والكل بيحبها ، ولا بتروح هنا ولا هنا اصلا كل حياتها البيت ، ولا عمرها كرهت حد ،وديما بعيدة عن المشاكل
اتكلم الظابط :
_ متخافيش عليها ان شاء الله هترجع وهتكون بخير خلال ال ٤٨ ساعة لو مظهرتش هنعمل محضر ، وهنبدأ ندور فى كل مكان ان شاء الله ،روحى مع ابنك وكله خير ان شاء الله
كنت قاعدة فى الاوضة زهقانة وراحة جاية بفكر اهرب من هنا ازاى ، الباب مقفول ، يلهوى انا لى خايفة اوى كدا ، اى يارب اللى وقعنى الواقعة دى ، انا كل مرة اقع
واخد على دماغى انا عارفة هى دى حياتى اصلا ، اعمل اى دلوقتى بقا انا ، بصيت على السرير لقيته حلو ، ده اى ي ختى السراير الحلوة دى ، طلعت واتنطط عليه
للمتابعة اضغط على الصفحة التالية »
الله ده بيرفع لفوق ، قعدت لحد ما تعبت ، وقررت أن أنام ما هو كدا كدا مفيش ملجأ للهروب ، نمت وقعدت افكر فى كلامه ، كنت مترددة وبقول لنفسى وافقى وخلاص ، وللحظة افتكر اللى حصلى من سنة تقريباً
فمكنتش حابة اعيش التجربة تانى ، وقولت لا ،جواز وحب لا ، كفاية الوجع والكسرة اللى شوفتها .
هادى قاعد جمب لؤى اللى عمال يأكل ببرود وقال :
_ تصدق انك معندكش دم يوسف تعبان ي لؤى انا اول مرة اشوفه ملهوف على بنت بالمنظر ده !!
لؤى وهو بيكمل اكل وقال :
_ اعمله اى يعنى ، انا اعرف هى حلوة اه وامورة بس مش شايف انها غريبة شوية .
هادى ابتسم وقال :
_ بالعكس هى واضح انها عفوية وتلقائية وبسيطة كمان ، ودمها خفيف والله
لؤى ساب الاكل وقام يغسل أيده وقال :
للمتابعة اضغط على الصفحة التالية »
يمكن انا مبفهمش ، بس الصراحة النوع ده مبيعجبنيش اوى ، انا داخل انام تصبح على خير
هادى كان ساكت ، وراح عند يوسف اللى كان قاعد فى الجنينة وعمال
يتمرجح وبيفكر فى كل حاجة والمراجحية راحة جاية وقف اول ما شاف هادى بصله وقال :
_ انا لى بحسها مش واثقة فى نفسها ، هى غريبة اوى بجد
جه هادى قعد جمبه وقال :
_ متعرفش ظروفها يمكن بتعمل كدا لتجربة مرت بيها ، سبها ي يوسف ، عادى يعنى مش مهم ، ما مصر مليانة بنات اشمعنا دى يعنى !!
يوسف اتكلم وقال :
_ مش عارف بس فيها حاجة مميزة كدا مش زى اى بنت اتعاملت معاها ،والميزة اللى فيها دى مخليانى حاببها ، مش هسيبها ي هادى ، بس ازاى اخليها توافق ، ما انا استحالة اتجوزها غصب عنها .
هادى اتكلم :
_ واللى يخليها تحبك تعمله اى ؟!
يوسف اتكلم :
للمتابعة اضغط على الصفحة التالية »
هادى هتتكلم معاها انا اصلا مش حابب الحوار ده وبيخنقنى .
هادى :
_ دى زى اختى على فكرة ي يوسف ، وعامة مش عاوزنى اتعامل معاها تانى مش هتعامل
يوسف قال وهو بيقوم :
_ لا اتعامل عادى ، بس انا عاوزها تحبنى من نفسها ، تقبلنى من نفسها هى ، الحب مش إجبار ، الحب شعور ، والإنسان بيحب بجد أما بيلاقى فى شريكه كل الحاجات اللى كان بيتمناها ، واللى حاببها .
هادى قام ووقف جمبه:
_ وانا واثق إنها هتحبك ، وهتحبك اوى كمان
تانى يوم الصبح هادى راح للاوضة ملقاش البنت اللى كان حاططها قدام الباب ، استغرب جدا ، خبط على الاوضة ملقاش اى صوت طالع من جوة ، فتح الباب ملقهاش ، قلبه اترعب نزل وهو بيفكر ممكن تكون راحت فين وفجأة وهو تحت انصدم من اللى شافه و !!!!!!
للمتابعة اضغط على الصفحة التالية »
هادى نزل تحت وانصدم من اللى شافه
لؤى واقف وموجه لدماغى المسدس ، شوفت هادى اتكلمت :
_ حبيب قلبي وربنا انا كنت ثانية وهكون ميتة على ايده الحقنى الله يسترك
هادى بص حواليه لقا مية فى الارض والازاز مكسور وانا فى ايدى كباية وحاطة فيها سمك
هادى اتكلم بصدمة :
_ فى اى ي لؤى أهدى كدا عملتى اى ي مصيبة ؟!
لؤى بزعيق :
_ قسما بالله أنا لولا عاشان يوسف لكان زمانى قاتلها ومريح البشرية منها ده كسرت حوض السمك المفضل عندى ، اكتر حاجة بحبها كسرتها .
يوسف طلع على الصوت وقال بزعيق :
_ انت اتجننت ي لؤى نزل المسدس وحيات ربنا لو عملتها لكون قاتلك وراها
لؤى بعصبية :
للمتابعة اضغط على الصفحة التالية »
دى خرابة دى هتخرب كل حاجة ،انت عارف ي يوسف أن ده اكترررر حاجة بحبها وعزيزة علياا وعارف جايالى من مين بالظبط وهى تكسره !!!!
اتكلمت بطفولية :
_ والله العظيم انا كان عاجبنى شكل السمك اللى جوا لقيته بينور كان شكله حلو اوى بجد ، فدخلت ايدى كنت عاوزة العب معاه وكنت فرحانة اوى فجأة لقيته وقع اتكسر ، خوفت على السمك ليموت جبت كوباية كبيرة وفيها مية وحطيته جواها ،انا اعتذرتله كذا مرة والسمك اهو عايش مماتش
هادى اتكلم وقال :
_ انتى خرجتى ازاى من الاوضة وفين حنين
_ كانت تعبانة اوى سمعت صوتها وهى بتتوجع من جوة قولتلها تفتحلى الباب
،وانا ودتها اوضتها تستريح وادتها دوا وهى نايمة وانا ماشية فى قلب القصر شوفت حوض السمك ده وعجبنى شكله اوى والموسيقى بتاعته وحصل اللى حصل
يوسف جه وشدنى ناحيته وقال بلطف :
_ خلاص ي حبيبتى محصلش اى حاجة عادى ، محدش يقدر يجى جمبك طول ما انا موجود وانت ي لؤى انا هجبلك غيره محصلش حاجه ، نادى اى حد من الخدم ينضف المكان ي هادى
للمتابعة اضغط على الصفحة التالية »
لؤى اتكلم بعصبية وزعيق :
_ تجبلى واحد مكانننه بالسهوووولة دى ، انا معرفش انت عاجبك فيها اى
دى طفلة وعيلة صغيرة ، بذمتك دى حركاااات واحدة عندها ٢٠ سنة ،دى اى الهبل بتاعها ده ، مشيها بقااا لا وكمان مش عاوزة تتجوزك هى كااانت تحلم بواحد زيك ، انا اصلا من ساعة ما شوفتها وانا مش مرتحلها هى لا زينا ولا من مستوااانا أساساً ، عاوزة تمشى امشى احنا مش عاوزينك
بصيت ليه وشى وخدودى احمروا ، وجع سيطر على قلبى فجأة ،دموعى كانت بتنزل لوحدها على خدى حطيت الكوباااية وجريت على برة
هادى اتكلم وقال :
_ حرام عليك ي اخى انت معندكش دم ، باين عليها انها طيبة لى تجرحها كدا
يوسف كان بيبص للؤى بعيون حمرا وغضب ، أما لؤى فقعد على الكرسى وحاول يهدى من نفسه ، يوسف خرج ورايا ، انا كنت قاعدة فى الجنينة عند البوابة
ومنكمشة فى نفسى وبعيط افتكرت اللى حصل من سنة تقريباً :
فلاااش باااك
_ ما انا مش عارف انا خاطب اى ، ما انا معلش ي هند انا مش هسمح أن مراتى يقولوا عليها واحدة هبلة .
للمتابعة اضغط على الصفحة التالية »
الكلمة وجعتنى اوى وقولت :
_ انا عمرى ما كنت هبلة ،انا بس بقولك احنا لى نفكر أن احنا نأذى بعض لى كلما منتمناش الخير لبعض فيها اى يعنى لو محقدناش أو غيرنا لى لازم يحصل كدا !!!!
قال بعصبية :
_ ده عااالم افتراضى ، عالم الخيال والروايات اللى انتى عايشة فيه ده مش موجود عيشى بقاا على أرض الواقع .
_ لا ده مش عالم خيال فى ناس كويسة كتير وطيبة برضو
_ بس مش بالسذاجة دى انتى واحدة ساذجة واى حد يقدر يضحك عليكى بسهولة ، عندك ١٩ سنة وكأنك عيلة صغيرة فى نفسك فوقى بقااا وركزى فى الكلام قبل ما تقوليه .
_ تمام ي احمد ماشى
_ برضو برضو زعلتى ، كل حاجة بتزعلى منها تصدقى انا زهقت منك اقفلى بقاا .
_ انا لى ديما بحاول ابعد عن المشاكل ومخلقش بينا زعل وانت ديما بتحاول تجرحنى وتدايقنى بالكلام !!!!!
_ ده انا انا اللى بجيب المشاكل تمام ازعلى بصى ازعلى براحتك خاالص سلام .
للمتابعة اضغط على الصفحة التالية »
والخط اتقفل
باااااك
يوسف جه وقعد جمبى وقال :
_ متزعليش مكنتش اعرف انك حساسة اوى كدا
قومت من مكااانى واتكلمت وانا بعيط :
_ سبنى امشى من هنا صدقنى انا منفعكش ، هو عنده حق انا فعلا واحدة ساذجة صدقنى انا مش عاوزة اتجوز انا اصلا
واحدة زيى مينفعش تتجوز ولا تشيل مسؤلية ، انا طفلة وعيلة صغيرة ، انا عاوزة اعيش لوحدى انا مبسوطة وانا كدا
روحنى البيت عاشان خاطرى ، وحتى انا مش هعرف اتغير لأن دى شخصيتى وده طبعى من وانا صغيرة ، انا اعرف ان محدش يحبنى أساساً ، وفعلاً اى حد يقدر يضحك عليا .
يوسف اتكلم وقرب منى وقال :
_ مين اللى قال انك متتحبيش بالعكس اى حد يتعامل معاكى يحبك ، انتى جميلة اوى ي هند محدش زيك فى الدنيا دى أصلا .
مسحت دموعى وقولت :
للمتابعة اضغط على الصفحة التالية »
ما هى دى المشكلة إن انا مش زى اى بنت ، بس انا مش وحشة والله ، بس انا مش هعرف اغير من نفسى ، بالعكس أنا عاجبنى طيبتى وعاجبنى شخصيتى عارفة إن الناس بقت وحشة ، بس عادى انا بقدر اتعامل ، وطول ما انت طيب مع الناس يبقا لى يفكروا إنهم يأذوك أساسا
بالعكس طول ما انت هتعمل خير فى الدنيا هتلاقى خير ، هتعمل شر وهتقعد تحقد وتعامل بالمثل وتفكر انك تنتقم ،فأكيد هتاخد على دماغك فى النهاية ، اللى هو زى ما بتقول ” من حفر حفرة لإخيه وقع فيها ”
ابتسم ليا وقال :
_ كل كلامك صح اوعى تتغيرى انتى جميلة والله زى ما انتى ، انتى فعلا نادرة ي هند ، ودى اكتر حاجة بحبها فيكى انك مميزة .
ابتسمتله وبطلت عياط وبصتله :
_ بجد يعنى انت مش عاوزنى اتغير !
بصلى بحب وهز راسه بمعنى لأ
_ انت شايفنى جميلة بجد !!
قرب ومسح دموعى وقال :
_ انتى اجمل بنت فى الدنيا
بعدت فوراً عنه ، وجريت من قدامه ودخلت جوا .
للمتابعة اضغط على الصفحة التالية »
يا ترى انتى فين ي بنتى انا خايفة على اختك اوى يارب اعمل اى البت راحت فين بس .
محمد بزعل :
_ انا مش عاارف اى البت دى احسن مش هى مش بتسمع كلام حد خليها تغرق ، بكرا هترجع هى دى بيجرالها حاجة .
الام :
_ بالليل ونعمل محضر وهما يدوروا عليها ، ربنا يحميكى ي بنتى من اى شر يارب ويبعد عنك ولاد الحرام .
كنت فى الاوضة بسرح شعرى قدام المراية وبفكر فى كلام يوسف ، كنت بضحك تلقائى من نفسى ، انا فرحانة اوى لى كدا ، اى ي هند انتى هتحبيه ولا اى ، عادى يعنى ، يمكن برضو أما يعرفنى اكتر ميقبلنيش ، متتعشميش ي هند وفى الاخر تاخدى على دماغك ، اتعلمى بقااا مش اى حد نثق فيه ونديله الامان ، بس والله
شكله طيب وحنين اوى ، فى وسط الكلام لقيت الباب بيخبط ، لميت شعرى ولبست الطرحة وفتحت الباب لقيتها حنين ابتسمت ليها بلطف وقولت :
_ عاملة اى دلوقتى بطنك خفت
حنين ابتسمت ودخلت :
_ الحمد لله انا بقيت كويسة جدا وكله بسببك ، انتى كويسة وإنسانية اوى بجد
ابتسمتلها وقولت :
للمتابعة اضغط على الصفحة التالية »
_ انا معملتش اى حاجة، اى حد مكانى كان هيعمل كدا واكتر كمان ، انتى بس ابقى خلى بالك من نفسك بعد كدا
قاطع كلامنا صوت خبط على الباب لقيت هادى ولؤى ، حنين شافتهم استأذنت وخرجت بصيت فى الارض
هادى بص للؤى وقال بغيظ:
_ ما تتكلم انت جاى عاشان تبصلها
لؤى بص لهادى وضربه على رجله بغيظ قال بخشونه شوية :
_ احم انا اسف متزعليش منى حقك عليا ، انا بس كنت متعصب عاشان الحوض ده غالى عليا اوى ، انا مكنش ينفع اعمل معاكى كدا .
ابتسمت بلطف وقولت :
_ وانا مش زعلانة منك عادى محصلش حاجه ، انا برضو طفلة اوى يعنى كان لازم احط ايدى جوا
قومت وانا بضحك وقولت :
_ بس تعرف ي هادى السمك اللى كان جواه حلو اوى ،وبينور كدا كان جميل بجد
هادى ضحك وقال :
_ فعلاً انا ساعات كتير ببقا عاوز ادخل ايدى جوا الله حاجة ممتعة اوى
قولت بضحك :
_ اه كانت تحفة وقام السمك وقع على الأرض كمان صعبت عليا اوى والله
للمتابعة اضغط على الصفحة التالية »
