وعدت للمنزل مره اخري وانا اتسائل ياتري غانم راح فين؟
وهو بحالتة دي ؟
ده كان شكلة تعبان..ومش ممكن يكون قام وخرج
واخذت ادعوا الله
ان يبقية معي..
فا انا لا اريد ان يحدث له
مكروه
حتي وان تركتة ليحيا ويعيش مع شوق
دون ان اراه انا ثانية
المهم..ربنا ينجية ويقوم بالسلامة
واخذت ابحث في كل مكان عن غانم..
وانا اقول في نفسي ..
ربما تكون شوق قد اتت من الخارج وانا بالاعلي
وشاهدت غانم ملقي امام شقتي واخذتة بسياراتها لاقرب مستشفي ؟
وتمنيت ان يكون ذلك التوقع قد حدث بالفعل..
وبعدها عدت للمنزل لافكر ماذا افعل؟
لاطمئن علي غانم؟
وعندما دخلت البيت
لقيت شوق تقف علي بابي وتنظر لي نظرات غريبه
فا سارعت اليها وسالتها؟
قلت.. فين غانم؟
قالت..عايزة غانم في ايه؟
قلت..هو انتي ماخديتهوش للمستشفي من شوية؟
نظرت الي بتعجب ثم
قالت.. مستشفي ايه انا مش فاهمه حاجة؟
قلت..انا كنت بفتح باب شقتي من شوية
لقيت غانم واقع وراسة مجروحة
وطلعت بسرعة عندك عشان تيجي توصليه لاي مستشفي
لكن انتي مردتيش
ولما نزلت من عندك ملقتهوش
وافتكرتك انتي اخدتية للمستشفي..
نظرت الي شوق بنظرات زائغة
وامسكت بشعري بقوة وهي تسالني؟؟
قالت..انطقي يا بت فين غانم؟
وفي تلك اللحظة سمعنا صوت محرك سيارة قادمة نحو منزلنا..
فا تركتني شوق وحررت شعري من بين يديها
واخذنا نترقب لنعرف من بتلك السياره؟
وكان كل ما يهمني في تلك اللحظة
هو الاطمئنان علي غانم..
وبعد قليل… توقفت تلك السيارة..
وكان بها مدحت شقيق غانم وزوجتة ورد..
ونزلوا من السيارة وهما بيبتسموا
وكان واضح عليهم انهم جايين في زيارة عادية ولا يعلمون اي شيئ..
فا صرخت انا في مدحت وانا استغيث..
قلت..مدحت كويس انك جيت
قال مدحت وهو منزعجا..
ايه خير..في ايه؟
واخذت اشرح لمدحت ما حدث
بشان اختفاء غانم بالتفصيل..
ووجدتة يوجة الاسالة لشوق؟
قال..وانتي كنتي فين يا شوق لما شهد طلعت ولم تجدك؟
ردت شوق مكذبة لمااقول
قالت..اسمع يا مدحت سيبك من شغل النصب والاجرام بتاع البت دي…
واضح ان البت دي قتلت اخوك
بدليل الدم الي علي الارض واختفاء اخوك
وطبعا عشان ملحقتش تمسح الدم واثر جريمتها
بتنسج الاكاذيب والروايات الخيالية الي محدش يصدقهادي
رد مدحت محذرا
قال..لا بصوا بقي انتوا الاتنين..
اقسم بالله لو ما عرفت اخويا فين؟ دلوقتي واطمنت عليه
لا ولع فيكي انتي وهي ؟
وسالني مدحت
قال..انتي متاكدة لما طلعتي فوق كان غانم امام باب شقتك تحت؟
قلت..ايوه اقسم بالله كنت سيباه هنا لغاية ما اطلع انادي لزوجتة ونزلت ملقتهوش
ردت شوق قائلة
ياجماعة احنا هنغلب نفسنا ليه؟
احنا ممكن نعرف اذا كانت البت دي بتكدب ولا بسهولة؟
رد مدحت مستفهما؟؟؟
قال..وهنعرف ونتاكد ازاي؟
قالت…هي بتقول ان غانم كان ادام شقتها ومدخلش شقتها خالص صح؟
يعني معني كده ان الدم هيبقي خارج شقتها فقط..
رد مدحت
قال..وبعدين؟
ردت شوق موضحة
قالت..احنا بقي هندخل نبحث في شقتها
و لو لقينا نقطة دم في شقتها
يبقي هي قتلته في شقتها واتخلصت من الججث0ة
وجاية بتنسج الاكاذيب عشان تتوهنا وتبعد عن نفسها الشبهة..
ولو مفيش دم في شقتها
يبقي الرواية بتاعتها صحيحة
وهي فعلا طلعت واتفجات بالججث0ة علي الباب
نظر اليها مدحت وهو مقتنعا بوجهة نظرها..
واخذ يتجه لشقتي ودفع الباب الذي كان مواربا ودخل
ليفتش عن اي اثر للدم في شقتي..
ومرة واحده وجدته يصيح بغضب
قال..اه يا مجرمة
لمتابعة القراءة اضغط على الرقم 26 في السطر التالي 👇
