وتقريبا.. فهمني غلط
لاني لقيتة بي0قلع هدومة بسرعة
وهو بيقولي..
يلا بينا
فا اتكسفت وجريت علي الحمام
وقفلت عليا
وقلتلة…
انا هفضل في الحمام
لغاية ما تستر نفسك
فا ضحك العريس
وقالي…
دا انتي باين عليكي خجولة اوي
قلت..ايوه انا بتكسف
لنا تخلص خبط علي باب الحمام
عشان اخرج
وفضلت فعلا جوه الحمام
لكن…
العريس اتاخر ومخبطش عليا
فا قعدت علي طرف البانيو
وانا منتظرة انه يخبط
وفضلت علي الوضع ده
لغاية ما سمعت خبط علي الباب
فا فتحت باب الحمام وخرجت بهدوء
ورحت علي اوضة النوم
عشان…
اقول للعريس…
اني خرجت من الحمام
لكن.. ملقتش العريس في اوضة النوم
فا خرجت اشوفة في المطبخ وبرضوا ملقتوش
فا دورت في الصالة وباقي الشقة
والعريس كأنة فص ملح وداب
فا قولت يمكن يكون لبس ونزل…
يجيب حاجة من تحت
فا رجعت تاني علي غرفة النوم
عشان اشوف
هدوم الخروج بتاعتة موجودة؟… ولا ايه؟
والغريبة…
اني لقيت الدولاب
بقفلة ايدي
يعني العريس مخدش هدوم من الدولاب
وحتي بدلة العريس
الي قلعها عريسي
كانت مازالت مرمية علي طرف السرير
فا بصيت بسرعة علي المخدة
واتفاجئت
ب ثعبان اسود
بيتلوي علي المخدة
فا اترعبت ورحعت لورا
وفضلت ابص للتعبان وانا بترعش
وفي الاخر
لقيت الثعبان
اتحول ل…..
( سيبكة ذهبية علي هيئة ثعبان)
فا انتفض جسمي اول ما شوفت الي حصل للثعبان
وطبعا ملمستش السبيكة
و عرفت بمجرد ما شوفت الثعبان الي اتحول لسبيكة ذهب
ان عريسي اختفي للابد
زي كل العرسان الي اختفوا قبلة
وبنفس الكيفية
وفي ليلة العمر برضوا
طبعا انتوا مستغربين
وزمنكم بتسالوا
ايه موضوع الثعبان ده؟
وايه علاقة الثعبان الذهبي
ب اختفاء العرسان السابقين ؟
والعرسان بيختفوا لية؟ وبيروحوا فين؟
حاضر هفهمكم قصتي
كلها..
بس الاول هعرفكم بنفسي
انا اسمي..داليا
عمري٢٢ سنة
شكلا..حلوه الحمد لله
الحالة الاجتماعية..مطلقة
حكايتي بتبدء من لما كان عندي ١١ سنة
في العمر ده
كنت طفلة
بفرح باي حاجة..
وبضحك عمال علي بطال
والدنيا في عنيا كانت
بتتلخص في…
اللعب ب عروستي ام شعر اصفر
وشراء الحلوي بمصروفي الصغير
في الوقت ده..
كنت عايشة مع امي وابويا واخواتي البنات الاتنين
يعني كنا ثلاث بنات
انا اصغر واحدة فيهم
واسمينا بالترتيب
شيماء….ودعاء…وداليا
انا واختي شيماء الكبيرة
كنا اصحاب وبنلعب مع بعض ديما
وكنت متاثرة اوي بشيماء
وبحب خيالها الخصب
و الحواديت الي كانت بتحكيهالي…
عشان كده
صدقت كلامها
لمتابعة القراءة اضغط على الرقم 3 في السطر التالي 👇
