لو اعرف كده كنت سبتهم طحنونى ضرب باتى قالت وهى بتبص لادهم بصه غريبه ومستفزه امال ايه الى انا شايفاه ده؟ هيضربوك اكتر من كده؟ أدهم بنبره فيها عتاب بلا استفزاز يا باتى أدهم
_____هموت واعرف البنتين دول عرفو أسمى ازاي؟ باتى، امر محير فعلا، هى شاهنده قالت ايه؟ أدهم، بص لبعيد، شاهنده متعرفش حاجه، البنات كمان سبونى ومشيو وكمل كلامه، لو كنت شخص كويس ويعرفونى فعلا عمرهم ما كانو مشيو وسابونى فاقد للوعى باتى ______
يا أدهم احنا فى زمن غريب، وكل إلى قلبه طيب بيتخوزق يلا انبطح يا استاذ خلينى اشوف جرحك أدهم تمدد على بطنه، باتى فكت الشاش الطبى والاصق تشوف الجرح شاهنده دخلت من باب البيت، باتى انتى هنا؟
باتى استغربت، مفيش علاقه تجمعها بشاهنده ولا حتى اتكلمت معاها قبل كده وقفت تسلم عليها شاهنده قعدت وحطت رجل على رجل وبصت لباتى انا عارفه ان علاقتك قويه بادهم ياريت تقنعيه يقبل الشغل إلى انا
عرضته عليه باتى ____شغل ايه يا ادهم؟ أدهم اسكتى يا باتى شاهنده الاستاذ طلب مبلغ ١٠٠٠٠ جنيه وانا وافقت دلوقتى رافض الشغل باتى معقول يا أدهم؟ هو شغل ايه يا مدام شاهنده؟
شاهنده بغرور اي حاجه يختارها باتى حست ان الموضوع معقرب رغم كده طلبت من أدهم انه يقبل الشغل ولو حتى لوقت مؤقت بعد ما شاهنده مشيت، أدهم يا باتى شاهنده عايزه تزلنى، تكسرنى بفلوسها لكن مش
هيحصل انا شايفه المبلغ كويس جدا يا أدهم الصراحه مهما كانت نوعية الشغل بعد كده ممكن تشترط عليها متمسش كرامتك ادهم تصدقى فكره يا باتى _____________________
مدحت فى الشركه بيغلى بعد ما عرف إلى حصل، بيفكر ان أدهم ازاى وصل للبنتين وهل عرف انه هو الى خاطفهم؟ وبيفكر هيأدبه ازاي ويهدده مر يوم ومحدش فتح الموضوع ولا اي بلاغ للشرطه مدحت فرح لكن فى
نفس الوقت عايز يعرف السبب بالصدفه سانتى كانت فى المصنع عند باباها وقابلت مدحت مدحت سلم عليها
وحاول يختار كلام يخليها تحكى إلى حصل معاها سانتى مكنتش بتحب مدحت وعارفه انه شخص لئيم، لكن من بعد إلى حصلها تفكيرها اتغير خالص من أجل رجل قد تكرهه المرأه العالم وتموت روحها حتى يحييها رجل اخر ويزرع داخلها النبض سانتى بطريقه
رسميه انا ليه طلب عندك يا استاذ مدحت مدحت اتفضلى عايزه اراجع كشوف وحسابات المصنع من غير ما
والدى يعرف انا شاكه ان فيه محاسبين فى المصنع شغالين لحساب شخص تانى وغرضهم المصنع يفلس مدحت طلباتك أوامر يا انسه سانتى اتا كمان مش عارف ايه الى بيحصل مدحت بخجل
________ممكن اسأل حضرتك سؤال شخصى؟ سانتى اتفضل!! مدحت ايدك فيها جرح علامه حديثه هو انتى اتعورتى او
عملتى حادثه؟ سانتى اتوترت، لا اتعورت فى تدريب الجيم بس مدحت اطمن، ضحك من جواه، عمل اتصال صغير وطلب من ست شغاله فى المصنع انها توفر لسانتى كل إلى هى عايزاه من دفاتر وأوراق وكل حاجه سانتى
دخلت قسم الحسابات، كان فيه مكتب فاضى قعدت عليه بتسأل هو فيه موظف غايب؟
البنت قالت لا، فيه موظف اترفد النهرده الصبح، اتمنع يدخل المصنع ومش عارفين السبب سانتى فكرت لحظه، ممكن اشوف ملف الموظف ده؟
الست الملف خده الاستاذ مدحت واتلفه سانتى اتلفه ازاى؟ الست كان مخنوق جدا وحرق الأوراق سانتى الفار لعب فى عبها، شكله ايه الموظف ده؟ الست حاولت توصفه، سانتى عرفته من مواصفاته فضلت سرحانه، دا الشخص نفسه إلى كان بيكلمها امبارح؟ يعنى موظف هنا فعلا؟ اطرد ليه؟
رجعت على مكتب مدحت، لقيت هند قاعده هناك، سألتها عن مدحت هند بعجرفه، مدحت مشي انا الموجوده هنا، لو عندك سؤال هرد عليه سانتى لا خلاص مفيش سانتى خرجت من المصنع، ركبت عربيتها، كانت عارفه عنوان الشاب ده وقررت تزوره مره تانيه ______________________
لمتابعة القراءة اضغط على الرقم 28 في السطر التالي 👇
